វិធីសាស្ត្រក្នុងការរៀនអានភាសាអង់គ្លេសឲ្យឆាប់ចេះ

វិធីសាស្រ្តក្នុងការរៀនអានភាសាអង់គ្លេសឲ្យឆាប់ចេះ

មានវិធីសាស្ត្រជាច្រើនក្នុងការសិក្សាភាសាអង់គ្លេស ហើយវិធីសាស្រ្តនីមួយៗតែងតែមានចំណុចពិសេសរៀងៗខ្លួន។ ជាក់ស្ដែងសម្រាប់ប្រជាជនកម្ពុជាយើងបើសិនជាយើងរៀនភាសាខ្មែរ គឺយើងចាប់ផ្ដើមពីការរៀននិយាយទៅមុន ដោយយើងរៀនវាពីមជ្ឈដ្ឋានដែលនៅជុំវិញខ្លួនយើងនិងអាណាព្យាបាលក៏ដូចជាឪពុកម្ដាយ។ លុះដល់កុមារគ្រប់អាយុចូលរៀនកុមារក៏ត្រូវបានបញ្ជូនឲ្យចូលរៀននៅសាលា ។ 

ចំណែកឯការរៀនភាសាអង់គ្លេសមានលក្ខណៈខុសប្លែកអំពីការរៀនភាសាខ្មែរយើងបន្តិចដោយសារតែភាសាអង់គ្លេសគឺជាភាសាទីពីរ។ ជាទូទៅគឺយើងរៀនចាប់ផ្ដើមពីការអានទៅមុនមិនមែនការនិយាយនោះទេ។ យ៉ាងណាមិញការរៀនភាសាអង់គ្លេសក៏អាចមានលក្ខណៈដូចគ្នាទៅនឹងការរៀនភាសាខ្មែរដែរក្នុងករណីដែលនៅផ្ទះអាណាព្យាបាលរបស់កុមារនិយាយភាសាអង់គ្លេសឬក៏អាណាព្យាបាលមានលទ្ធភាពគ្រប់គ្រាន់ក្នុងការបញ្ជូនកុមារឲ្យទៅរៀននៅសាលាដែលនិយាយភាសាអង់គ្លេសសុទ្ធ ដូច្នេះមិនមែនកុមារទាំងអស់និងអាណាព្យាបាលសុទ្ធតែមានលទ្ធភាពគ្រប់គ្រាន់ក្នុងការបញ្ជូនកូនឲ្យទៅរៀននៅសាលាបែបនេះនោះទេ។ 

ដូច្នេះហើយការរៀនភាសាអង់គ្លេសសម្រាប់មិត្តអ្នកសិក្សាទូទៅគួរចាប់ផ្ដើមពីការអានទៅមុន។ ខាងក្រោមនេះគឺជាវិធីសាស្ត្រដែលជួយឲ្យទាំងអស់គ្នាអាចរៀនអានភាសាអង់គ្លេសដោយខ្លួនឯងពីចំណុចដំបូងបំផុត។   

ជំហានទី១៖  ចាប់ផ្តើមរៀនតួរអក្សរពី A-Z ឬក៏យើងអាចនិយាយបានថារៀន ab (អេប៊ី)ជាមុនសិន។ តួរអក្សរក្នុងភាសាអង់គ្លេស សរុបទាំងអស់មាន 26 តួរ ហើយក្នុងតួអក្សរមួយមានពីប្រភេទ គឺអក្សរធំនិងអក្សរតូច៖

អក្សរធំ អក្សរតូច អានថា

A a អេ

B b ប៊ី

C c ស៊ី

D d ឌី

E e អ៊ី

F f អ៊ែហ្វ

G g ជី

H h អេច

I i អាយ

J j ជេ

K k ខេ

L l អ៊ែល

M m អ៊ែម​

N n អ៊ែន​

O o អូ

P p ភី

Q q ឃ្យូ​

R r អ

S s អ៊ែស

T t ធី

U u យូ

V v វី

W w ដាប់បឹលយូ​

X x អេក្ស

Y y វ៉ាយ

Z z ស៊ី